Alikiba aibomoa Planet Bongo na Manara TV

Rais wa kituo cha Crown Media Alikiba ambaye pia ni msanii wa Bongofleva rasmi ameanza kutambulisha watangazaji wa Kituo chake ambapo kwa kufungua pazia ameanza na Mtangazaji mashuhuri wa vipindi vya burudani Dullah ambaye aliwahi kuwika sana na kipindi cha Planet Bongo cha East Africa Radio na TV.

Kupitia kurasa za Crown Media walipakia video na picha za utambulisho wakiambatanisha na maelezo yasemayo.

"Kwa baraka zote kutoka kwa Rais wa Crown Media amemkabidhi taji la ushindi wa kujiunga kwenye Familia ya kifamle @crownfmtz na @crowntvtz, huyu ni bingwa kabisa, uzoefu wa kutosha, Kiswahili safi na ni mtangazaji aliyeibeba Bongo Fleva kwenye mabega yake kwa zaidi ya miaka 15 huyu ni @dullahplanet kwa pamoja tumkaribishe NYUMBANI FUNDI #HapaniNyumbani."

Watangazaji wengine waliosajiliwa na Crown Media mpaka sasa ni Lesa Said, Tony Sixteen kutoka Planet Bongo ya East Africa pamoja na Pablo Almasi kutoka Manara TV.