Albamu mpya ya Davido yaweka rekodi kutazamwa zaidi siku ya kwanza

Msanii nyota wa Afrobeat wa Nigeria maarufu kama Davido ameweka rekodi mpya kwenye akaunti yamuziki ya ‘Apple Music’ na albamu yake mpya ya Timeless.

Kwa wakati huu imekuwa ndio yenye kutazamwa na watu wengi zaidi kuwahi kutokea kwa albamu ya kutoka Afrika, wahudumu wa Apple Music walisema kupitia mtandao wa Twitter.

Albamu hiyo yenye nyimbo 17 ilitolewa tarehe 31 Machi na ni ya nne kwa mwanamuziki huyo.

Albamu hiyo tayari imevunja rekodi kwenyemitandao yaSpotify Nigeria kwa kuwa nyimbo inayovuma sana kwa wiki na pia yenye kutazamwa na wengi mno kwa siku ya kwanza kwenye mtandao wa muziki wa Boomplay.