Ajifungua angani ndani ya ndege

Mwanamke mmoja amejifungua mtoto katika ndege ya shirika la ndege la Uholanzi KLM, iliyokuwa ikitokea Ecuador kuelekea Amsterdam.

Inaarifiwa kuwa, muda mfupi kabla ya ndege hiyo kutua siku ya Jumatano Desemba 7, 2022 abiria huyo alianza kuhisi uchungu na akaenda msalani na baada ya muda mfupi akajifungua mtoto wa kiume.

Aidha, Madaktari wawili na muuguzi mmoja kutoka Austria ambao walikuwemo ndani ya ndege hiyo waliweza kumsaidia kufanikisha uzazi huo.

Kwa mujibu wa Msemaji wa hospitali ya jijini Amsterdam, amesema mama huyo anaeendelea vizuri na walimpa mtoto wake jina la mmoja wa watu waliojitokeza kumsaidia la Maximilian.