50 Cent aingilia ugomvi wa Quavo na Chris Brown

Msanii wa Hip Hop kutoka nchini Marekai '50 Cent' kufuatia bifu zito linaloendelea kati ya marapa Chris Brown na Quavo, ameandika maoni yake mtandaoni kwa kusema kuwa Ugomvi huo "sasa unaingia hatua ya tofauti" baada ya wawili hao kuanza kuharibiana kibiashara.

Chris Brown amedaiwa kuwa alinunua viti vyote vya mbele kwenye moja ya show ya hasimu wake Quavo ili msanii huyo aonekane hajajaza ukimbi.

Kupitia video zinazosambaa mitandaoni zikionyesha viti vingi vya mbele havina watu katika moja ya show za Quavo zimesababisha mashabiki kuamini huenda ni kweli Brown ndiyo amefanya kitendo hicho kilicho sababisha mashabiki wengi wakose tiketi za kuingia katika ukumbi huo.

Wiki kadhaa zilizopita wawili hao wamekuwa katika muendelezo wa bifu lao ambapo kila mmoja alikuwa akitoa ngoma kwa ajili ya ‘kumchana’ mwenzake.

Bifu la Quavo na Brown lilianza mwaka 2017 baada ya Quavo kudaiwa kutoka kimapenzi na aliyekuwa mpenzi wa zamani wa Brown aitwaye Karrueche Tan.