Watu 13 mbaroni kwa tuhuma za kumzika mzee akiwa hai

Jeshi la Polisi mkoani Ruvuma linawashikilia watu 13 kwa tuhuma za kumzika, akiwa hai, Mzee Frolence Komba (78) katika makaburi ya shamba la Mungu yaliyopo Kijiji cha Mahanje, Halmashauri ya Madaba mkoani Ruvuma.

Chanzo ni tuhuma za kumhusisha mzee huyo kumuua mtoto wake Severine Komba (34) kwa imani za kishirikina.

Kwa mujibu wa mkuu wa wilaya ya Songea, baadhi wanafamilia ikiwemo watoto wa mzee huyo wamehusika pia kwenye tukio hili la kusikitisha.