Mkurugenzi wa vyombo vya habari ashtakiwa kwa kutishia kumuua mpenzi wake

Afisa mkuu wa vyombo vya habari alifikishwa mahakamani na kushtakiwa kwa makosa saba ya kutishia kuua nchini Kenya.

Mkurugenzi huyo anadaiwa kutuma ujumbe wa maandishi kwa mlalamikaji mnamo Juni 14, 2019 mahali pasipojulikana.

Karatasi za mahakama zinaonyesha kuwa kupitia simu yake ya mkononi, alimtumia mpenzi wake wa zamani ujumbe akisema; "Sasa niambie utanifanya nini na unaona nitakumaliza na Swarma ya damu kwa pamoja."

Anakabiliwa na makosa mengine matano ya kutishia kumuua mwanamume huyo. Mahakama iliambiwa kuwa mshtakiwa na mlalamishi walikuwa kwenye uhusiano kwa muda wa miaka 9 na kwamba waliachana mnamo 2019.

Huku akiiomba mahakama imuachilie kwa dhamana, wakili wa upande wa utetezi alisema kuwa tuhuma za kutishia kuua zilifanyika mwaka 2019 wakati hisia za mshtakiwa zikiwa juu kutokana na kutengana.

"Kosa lililotajwa lilifanyika mwaka 2019 na mshtakiwa anashtakiwa kwa zaidi ya miaka 4, walikuwa wakifanya biashara na mlalamikaji," mahakama ilisikiza.

"Sasa ni miaka 4 na kila mtu ameendelea," wakili Peter Wanyama aliteta.

Hata hivyo wakili wa mlalamishi aliiambia mahakama kutoa masharti ya bondi ambayo yanaakisi miaka ambayo mteja wake amekuwa akitafuta haki.