Mfahamu Thabo Bester, muuaji Afrika Kusini aliedanganya kifo chake mwenyewe

Thabo Bester ni nani, na zipi sababu za kutafutwa kwake?

Thabo Bester, anayejulikana zaidi kwa jina la ‘Mbakaji wa Facebook’ alipatikana na hatia mwaka 2012 kwa kuwabaka wanawake wawili na kumuua mmoja baada ya kuwalaghai kupitia mtandao wa Facebook.

Alihukumiwa kifungo cha maisha jela, kwenye gereza binafsi na lenye ulinzi mkali la Mangaung Correctional Centre.

Lakini, May 22, 2022, ikadaiwa kuwa amekufa kwa moto kwenye gereza hilo. Kumbe, jamaa alifake kifo chake. Vipimo vya DNA vilibaini kuwa mwili wa aliyekutwa amekufa gerezani hapo si wa Bester, bali mtu mwingine.

Imebainika kuwa Bester alifanikiwa kutoroka kwenye gereza hilo na sasa anatafutwa kwa udi na uvumba!

Kutoroka kwake kumekuwa gumzo nchini humo na fedheha kubwa kwa vyombo vya ulinzi na usalama huku ikidhaniwa kuwa alishirikiana na maafisa wa gerezani hapo kufanikisha mpango wake.