Kijana akutwa amechinjwa porini

Kijana mmoja aitwae Richard Busagosya, umri wa Miaka 18 Mkazi wa kijiji cha Msasa Kata ya Msasa Tarafa ya Busanda wilayani Geita Mkoani Geita ambaye alikuwa akichunga Ng’ombe katika Pori la Samina amekutwa amekufa akiwa amechinjwa .

Inadaiwa chanzo cha kijana huyo kuchinjwa ni migogoro kati ya wafugaji na wakulima ambapo mgogoro huo umedumu kwa mda mrefu.

Kwa upande wake Mjumbe wa serikali ya kijiji cha Msasa pamoja na Diwani wa kata ya Busanda, Seleman Gamala amekiri kuwepo kwa tukio hilo na kufika katika eneo hilo huku akiwataka wananchi kutojichukulia sheria mkononi kwani inahatarisha maisha ya wananchi wenzao.

Kwa upande wake Kamanda wa Jeshi la polisi Mkoa wa Geita Kamishina Msaidizi Henry Mwaibambe amethibitisha kutokea tukio hilo.