Dar es salaam. Upande wa mashtaka katika kesi ya uhujumu uchumi inayomkabili mfanyabiashara, Abdul Nsembo maarufu Abdulkandida (45) na mkewe, Shamim Mwasha (41) wamedai upelelezi bado haujakamilika.
Wakili wa Serikali ya Tanzania, Wankyo Simon amedai hayo leo Jumatatu Agosti 5, 2019 mbele ya Mahakama ya Hakimu Mkazi Kisutu, Dar es Salaam kuwa upelelezi bado haujakamilika hivyo ameiomba mahakama hiyo ipange tarehe nyingine kwa ajili ya kutajwa.
Baada ya maelezo hayo Hakimu Mfawidhi wa mahakama hiyo, Kelvin Mhina ameahirisha shauri hilo hadi Agosti 16, 2019 itakapotajwa tena.
Shamimu ambaye ni mmiliki wa Blog 8020 Fashion na mumewe wanakabiliwa na kesi ya uhujumu uchumi namba 36/2019.
Washitakiwa hao ambao ni wakazi wa Mbezi Beach, Dar es Salaam nchini Tanzania walifikishwa kwa mara ya kwanza mahakamani hapo Mei 13, 2019.
Shamim na mumewe walifikishwa mahakamani hapo wakikabiliwa na mashitaka ya uhujumu uchumi ambayo ni kusafirisha dawa za kulevya aina ya Heroin Hydrochloride zenye uzito wa gramu 232.70
