Jaji Mkuu asisitiza usuluhishi ndani ya jamii

Jaji Mkuu wa Tanzania Profesa Ibrahim Juma amesisitiza suala la usuluhishi na upatanishi miongoni mwa pande zenye migogoro ili kupunguza mlundikano wa kesi katika Mahakama.

Amesema hayo mkoani Dodoma wakati wa uzinduzi wa jengo la mahakama ya mwanzo ya Kibaigwa na kusisitiza kuwa si kila shauri lazima lipelekwe mahakamani.

Kwa mujibu wa Jaji Mkuu, hatua hiyo itasaidia kupunguza mashauri Mahakamani na kuziwezesha pande zenye migogoro kushiriki katika shughuli za uzalishaji.

Aidha ameongeza kusema kuwa ipo sheria iliyopitishwa na Bunge la Jamhuri ya Muungano wa Tanzania kuhusu usuluhishi, hivyo ni vema sheria hiyo ikafahamika na kutumika miongoni mwa jamii.