Dk Kigwangalla aibua shangwe bungeni

Dodoma. Waziri wa Maliasili na Utalii, Dk Hamisi Kigwangala ameingia bungeni leo Jumanne, Novemba 6, 2018 baada ya kutoonekana kwa zaidi ya siku 90 kutokana na ajali ya gari aliyopata mkoani Manyara.

Dk Kigwangala alipata ajali hiyo akitokea Arusha ajali hiyo ilisababisha kifo cha mwanahabari wa wizara hiyo, Hamza Temba ambaye alipoteza maisha. Kabla ya kutabulishwa, kila mbunge aliyeingia bungeni leo alimfuata na kusalimiana naye huku wengi wakimkumbatia.

Spika wa Bunge, Job Ndugai alimtambulisha naye akasimama (Dk Kigwangala) na kuliambia Bunge afya yake ni njema na kumkaribisha bungeni kuwatumikia Watanzania.

Wakati Spika akimtambulisha wabunge walipiga makofi na vigelegele wakati yeye (Kigwangala) akiinama kila upande kutoa shukrani kwa wabunge huku akiwa na uso wa tabasamu.