Avamia shule na shoka, aua watoto wanne

Mwanamume aliyejihami kwa shoka dogo alipanda ukuta ndani ya chumba cha kulelea watoto Kusini mwa Brazili na kuwaua watoto wanne siku ya Jumatano, polisi walisema, na kuwajeruhi wengine watano katika shambulio hilo.

Mwanamume huyo mwenye umri wa miaka 25 alijisalimisha kwa polisi baada ya ghasia hizo, mkuu wa usalama Marcio Alberto Filippi aliwaambia waandishi wa habari.

Polisi walisema wavulana watatu - wawili wa miaka 4 na mmoja wa miaka 5 - na msichana mmoja wa miaka 7 waliuawa.

Watoto wanne kati ya waliojeruhiwa wenye umri wa kati ya miaka 3 hadi 5 walikuwa wakitibiwa hospitalini na waliripotiwa kuwa katika hali nzuri, huku mtoto wa tano akiwa na majeraha madogo, polisi walisema.

Kwa kuhofia huenda watoto wao wakawa miongoni mwa wahasiriwa, wazazi waliokata tamaa walikimbilia kwenye kituo cha kulea watoto katika jiji la Blumenau katika jimbo la Santa Catarina, huku polisi na wazima moto wakichunguza hali hiyo.

Mshambuliaji huyo alikuwa na historia ya vurugu na dawa za kulevya, na alikuwa amemdunga kisu babake wa kambo mnamo Machi 2021, polisi walisema.

Rais Luiz Inacio Lula da Silva amelitaja shambulio hilo kuwa la kutisha.

"Janga kama hili halikubaliki, kitendo cha kipuuzi cha chuki na woga ... kitendo cha unyanyasaji dhidi ya watoto wasio na hatia na wasio na ulinzi," Lula alisema katika chapisho la Twitter kulingana na jarida la Reuters.