Akamatwa kwa kuchezea mifumo ya kudhibiti mwendo wa mabasi

Issa Said Mbogo ambaye ni fundi wa vifaa vya umeme anashikiliwa kwa tuhuma za kuchezea vifaa vya kudhibiti mwendo kwenye mabasi (VTS) akidaiwa kuwa anavuruga mifumo hiyo ili madereva wa mabasi waendelee kwenda mwendo kasi.

Mtuhumiwa amekamatiwa Nzega Mkoani Tabora wakati wa oparesheni maalum.

Kamanda wa Polisi, Kikosi cha Usalama Barabarani Tanzania, SACP Wilbroad Mutafungwa ameagiza kufunguliwa jalada la uchunguzi baada ya kupata malalamiko mengi kuhusu mtuhumiwa na akibainika anahusika atachukuliwa hatua za kisheria.