Wenye Blue Tick Titter kulipia kila mwezi

Watumiaji wa mtandao wa Twitter ambao kurasa zao zimethibitishwa (verified), wataanza kutozwa ada ya dola za Kimarekani 20 kila mwezi, sawa na takribani shilingi 46,600 ili kuendelea kutumia kurasa zao.

Hatua hiyo inajiri siku chache baada ya Bilonea Elon Musk kukamilisha ununuzi wa mtandao huo kwa dola bilioni 44 za Marekani.

Kwa wateja ambao bado hawajathibitishwa watalazimka kulipia ada hiyo ili wathibitishwe (verified) ambapo mpaka sasa, kuna zaidi ya wateja 400,000 ambao wamethibitishwa kwenye mtandao wa Twitter duniani kote.