Vikwazo vya biashara Tanzania, Kenya vyapungua

Waziri wa Viwanda, Biashara na Uwekezaji Dk Ashatu Kijaji amesema wizara hiyo iliratibu mkutano wa kamati ya kitaifa ya uondoaji wa vikwazo vya biashara visivyo vya kikodi uliofanyika Septemba, 2022 jijini Dar es Salaam ambapo jumla ya vikwazo 30 vilijadiliwa huku 10 vikitatuliwa na vitano kufutwa kwa kukosa vielelezo vya kujitosheleza.

Dk.Kijaji amesema hayo leo Mei 4, 2023 Bungeni Dodoma alipokuwa akiwasilisha mapendekezo ya bajeti ya Wizara hiyo.

Aidha amesema Tanzania na Kenya vimebaki vikwazo 15 ambavyo vyote vipo katika ngazi ya wataalamu kwa majadiliano ili vyote viweze kufutwa na wafanyabiashara waweze kufanya biashara bila vikwazo vyovyote.