MWENYEKITI wa Bodi ya Wakurugenzi ya Simba Mohammed Dewji 'Mo Dewji' amepokelewa kwa shangwe.
Mo Dewji alipokelewa kwa shangwe katika shughuli ya kuweka jiwe la msingi kwenye uwanja wa Simba uliopo Bunju 'B'.
Mo Dewji alifika uwanjani hapo saa 4:20, asubuhi na mashabiki waliojitokeza walimpokea kwa shangwe la aina yake kwa kumshangilia huku wengine wakitaka kupiga naye picha.
Baada ya mashabiki hao kila mmoja akiwa anashangilia ujio wake na wengine kutaka kupiga naye picha walinzi wake wawili na baadhi ya walinzi waliokuwa uwanjani hapo waliwatuliza ili kumuachia Mo Dewji akakae meza Kuu.
Baada ya kufika meza kuu Mo Dewji aliwakuta viongozi wa Bodi ya Wakurugenzi ya Simba ambapo alisalimiana nao.
Viongozi wa Simba waliofika hadi sasa ni Mtendaji Mkuu Magori, Wajumbe wa Bodi Zacharia Hans Poppe, Hussein Kitta, Asha Baraka, Selemani Haroub, Mwina Kaduguda, Zawadi Ally.
