Soko kubwa la wafanyabiashara ndogondogo kujengwa Vingunguti

Mstahiki Meya wa Halmashauri ya Jiji la Dar es Salaam, Omary Kumbilamoto leo ameongeza zoezi la kujaza vifusi katika Barabara korofi za mitaa ya Vingunguti.

Akizungumza na Michuzi TV wakati wa zoezi hilo Meya Kumbilamoto amesema anamshukuru sana Rais wa Jamhuri ya Muungano wa Tanzania Dr. Samia Suluhu Hassan ambaye amewezesha kutoa kiasi cha shilingi Milioni 360 zinazojenga soko jipya na la kisasa kwa Wafanyabiashara ndogo na Mama Lishe eneo la machinjioni.

"Ujio wa ujenzi huu ndio Neema kwetu kwani imewezesha kupatikana kwa vifusi hivi ambavyo vinasaidia kufukia Mashimo haya wakati tukisubiri Utekelezaji wa mradi mkubwa wa DMDP" Amesema Kumbilamoto.

Ameongeza kuwa anamshuku sana Mkurugenzi wa Halmashauri kwa moyo wake wa kujituma na kufanya kazi kwani ndani ya wiki tatu tu alizokaa katika Halmashauri hiyo ameweza kutatua changamoto nyingi ambazo zimekosa majawabu kwa muda mrefu.