Serikali kuendelea kuchochea uwekezaji

Waziri wa Viwanda na Biashara Dkt. Ashatu Kijaji amesema Serikali iko tayari kuwasaidia Wafanyabiashara na Wawekezaji ili waweze kukua na kuendelea kibiashara.

Amesema Serikali pia itashughulikia changamoto za Wafanyabiashara na Wawekezaji hao ili kuleta tija na manufaa kwa Taifa.

Waziri Kijaji ameyasema hayo wakati wa ziara yake katika kiwanda cha kutengeneza Vishikwambi cha Tanztech kilichopo jijini Arusha, ziara iliyokuwa na lengo la kujionea hali ya uzalishaji na kusikiliza changamoto zinazokikabili kiwanda hicho

Aidha, Dkt. Kijaji ameeleza kuridhishwa na uwekezaji huo ikiwa ni hatua ya kutatua changamoto ya matumizi ya Vishkwambi katika shule za awali na zile za sekondari ambapo vitasaidia kufundisha Wanafunzi namna bora ya kutumia TEHAMA katika mitaala ya elimu.