Samia atoa Tsh milioni 10 kwa vikundi vya VICOBA

Rais wa Jamhuri ya Muungano wa Tanzania, Dkt. Samia Suluhu Hassan ametoa Tsh. Milioni 10 kwa ajili ya kuwawezesha Wanawake wa vikundi mbalimbali vya VICOBA Wilayani Kondoa Mkoani Dodoma.

Mbunge wa Viti maalumu Mkoa wa Dodoma, Mariamu Ditopile wakati akikabidhi fedha hizo amesema, Rais Dkt. Samia anatambua jitihada za Wanawake nchini katika kazi wanazozifanya kuhakikisha wanajikwamua kiuchumi.

“Rais Dkt Samia anawapenda sana Wana Kondoa na wakati nakuja hapa niliwasiliana nae akanikabidhi Tsh. Milioni 10 na amesema fedha hizo zikabidhiwe kwa vikundi vya VICOBA zikawasaidie Wanawake kujiimarisha kiuchumi"

Katika hatua nyingine Ditopile ameahidi kuunga mkono jitihada za Rais Dkt. Samia Suluhu Hassan za kumkomboa Mwanamke kiuchumi kwa kuwachangia Tsh.Milioni 5.