Siridhishwi kabisa na utendaji wa bandari zetu
Kusuasua kwa utendakaji kazi katika bandari ya Dar es Salaam ambayo ndiyo kitovu cha biashara nchini kumemuibua Rais Samia ambaye amesema kuwa haridhishwi na uendeshaji pamoja na kazi zinazofanywa hapo.
Akizungumza wakati wa utiaji saini wa kipande cha nne cha reli ya SGR kinachoanzia Tabora hadi Isaka chenye umbali wa KM 165 leo Julai 04, 2022 amesema kuwa bandari hiyo ikifanya vizuri nusu ya Bajeti Kuu itatoka hapo.
"Wale tuliowakabidhi uendeshaji wa Bandari wafanye kazi kwa kasi mno, kwani siridhishwi kabisa na kazi za Bandari, Siasa na longolongo zilizopo" Rais Samia
Kauli hii imekuja kufuatia hoja iliyowasilishwa na Mkuu wa Mikoa wa Dar es Salaam, Amos Makalla aliyemshukuru kwa kutoa jumla ya Tsh. bilioni 210 za maboresho ya bandari ambazo alisema kuwa zimeleta manufaa makubwa.