Mwigulu: Serikali imezalisha ajira 547,031

Serikali imeendelea kuratibu masuala ya uzalishaji wa fursa za ajira nchini na hadi Februari mwaka huu, fursa za ajira 547,031 zimezalishwa.

Haya yamebainishwa na Waziri wa Fedha na Mipango, Dk Mwigulu Nchemba wakati wa kuelezea baadhi ya maeneo yaliyopata mafanikio wakati wa utekelezaji wa Mpango wa Maendeleo wa Taifa kwa mwaka 2022/23.

Alisema fursa hizo za ajira zimetengenezwa hususani kupitia utekelezaji wa miradi ya kielelezo, uwezeshaji wa mazingira mazuri ya uwekezaji na kuimarisha sekta binafsi.

Dk Mwigulu alisema kati ya ajira 547,031 zilizozalishwa hadi Februari mwaka huu katika sekta mbalimbali nchini, ajira 321,363 zimezalishwa na sekta ya umma ikiwemo utekelezaji wa miradi ya maendeleo na ajira 225,668 zimezalishwa na sekta binafsi rasmi