Mashine za kisasa kukausha nafaka zazinduliwa

Kampuni ya usambazaji wa zana za kilimo ya Agricom Africa imezindua mashine ya kisasa ya kukaushia nafaka za mpunga na mahindi hapa nchini.

Mashine hizo zitakuwa suluhu kwa Wakulima nchini katika kipindi hiki ambacho kilimo kimeshika kasi, ili kuwaondoa Wakulima katika njia za asili za ukaushaji wa nafaka unaosababisha hasara na upotevu wa viwango vya ubora vya mazao hayo na hivyo kushindwa kuuzwa kimataifa.

Meneja wa kampuni ya usambazaji wa zana za kilimo ya Agricom Africa kanda ya Nyanda za Juu Kusini Joseph Manoni amesema, kwa sasa Wakulima wataweza kukausha nafaka zao kwa muda mfupi na kuepuka hasara ya upotevu na uharibifu wa mazao.