Google yalipishwa mamilioni

Kampuni ya Google imekubali kulipa Dola za Kimarekani milioni 391.5 ili kusuluhisha madai ya jinsi inavyokusanya taarifa kutoka kwa watumiaji.

Kampuni hiyo ilidaiwa kufuatilia maeneo walipo watumiaji (location) japo watumiaji hao walifunga kipengele hicho kwenye vifaa vyao. Madai hayo yaliripotiwa katika majimbo 40 nchini Marekani.

Kuanzia sasa Google imetakiwa kuwa na uwazi katika kufuatilia maeneo walipo watumiaji wake pia imetakiwa kuandaa tovuti itakayowaeleza watu taarifa wanazozikusanya.

Hii ni suluhu kubwa inayohusu madai ya faragha kutoka majimbo mengi katika historia ya Marekani.

Kampuni hiyo bado inakabiliwa na kesi nyingine moja kama hii, baada ya majimbo mengine manne kuishtaki mwezi Januari mwaka huu.