DAR inatumia 50% ya Mkaa wote unaozalishwa nchini

Mtalaam Mwandamizi wa Fedha kutoka Shirika la Umoja wa Mataifa - Mitaji ya Maendeleo, Emmanuel Muro amesema kiasi hicho ndio chanzo kikuu cha uharibifu wa misitu kwenye mikoa ya Pwani, Morogoro, Iringa, Tanga na Lindi.

Akizungumza kupitia mdahalo ulioongozwa na Waziri wa Nishati Januari Makamba kuhusu Nishati Safi ya Kupikia, amesema mikoa hiyo ambayo ni wazalishaji wakubwa wa Mkaa Tanzania pia ndiyo yenye vyanzo vingi vya maji.

Muro amesema kutokana na uharibifu unaofanyika kwenye misitu ya mikoa hiyo, imesababisha kwa kiasi kikubwa hali ya ukame na upungufu wa mvua nchini.