Chongolo alaani TRA kufungia biashara

Chama cha Mapinduzi (CCM) kupitia kwa Katibu Mkuu wa Chama hicho Daniel Chongolo kimesema kitendo kinachofanywa na Mamlaka ya Mapato Tanzania (TRA) na Taasisi nyingine kufungia biashara na maduka kwa kisingio cha ukusanyaji wa kodi sio sahihi kwani kinajenga uadui baina ya Taasisi za Serikali na Wafanyabiashara na kupongeza hatua ya Serikali kupitia Bajeti kuu kupendekeza biashara zisifungwe.

Chongolo amesema hayo wakati akiongea na Wananchi wa Kijiji cha Kingiti Wilayani Mpwapwa Mkoani Dodoma ambapo amesema kulitokea wimbi la Watu anbao kila wakiamka asubuhi walikuwa wanaamua tu kufunga biashara ya Mtu kwasababu ya kudai kodi.

“Unafanya biashara ili upate pesa ya kulipia kile wanachokitaka halafu ili adai anaenda kufungia biashara sasa unaenda kutoa wapi pesa?, ukifunga biashara maana yake unaniambia nikose cha kuja kukulipa, badala tuweke makubaliano ya kulipa wewe unaenda kufunga hilo sio zuri lilikua kinajenga uadui kati ya Serikali na Wafanyabiashara”