China yazindua ndege kubwa itakayoshindana na Boeing

Ndio ndege itakayotumika na China kuukabili ushindani wa kampuni kubwa za ndege eneo la Magharibi: Boeing ya Marekani na Airbus ya Ulaya.

Ijumaa hii, Commercial Aircraft Corp of China Ltd. (Comac) iliwasilisha ndege yake ya kwanza ya abiria ya C919, ambayo itaendeshwa na China Eastern Airlines.

Ni ndege yenye uwezo wa kusafirisha abiria 164 katika sehemu mbili za abiriai: Moja ina viti vinane katika daraja la biashara na nyengine katika daraja la kuchumi.

Uwasilishaji huo ulifanyika katika Uwanja wa Ndege wa Kimataifa wa Shanghai Pudong, ambapo ndege hiyo ilipaa na kufanya safari fupi hadi Uwanja wa Ndege wa Hongqiao, ulioko umbali wa kilomita 50 katika mji huo huo.

Shirika la ndege la China Eastern Airlines linatarajiwa kupeleka ndege nyingine nne kama hizo katika kipindi cha miaka miwili ijayo na kuanza shughuli za kibiashara msimu ujao.

Ndege hiyo, ni hatua ya kwanza tu kwenye njia ambayo Comac inakusudia kuchukua ili kushindana na watengenezaji wa ndege za kibiashara za Magharibi.