Biashara kati ya Tanzania, India zapigiwa chapuo

Mwenyekiti wa Taasisi ya Sekta Binafsi Tanzania (TPSF) Bi. Angelina Ngalula leo amekutana na kufanya mazungumzo Mhe. OM Birla, Spika wa Bunge la India.

Bi. Ngalula amemshukuru Mhe. Birla kwa niaba ya sekta Binafsi kwa kutenga muda wake kuitembelea Tanzania kwani inaonyesha mahusiano mazuri ya diplomasia na uchumi kati ya nchi hizi mbili.

Biashara kati ya Tanzania na India inatarajiwa kufika $6B mwaka 2023. Hii inatokana na kufunguliwa kwa masoko ya bidhaaa za kilimo ikiwepo parachichi, na nafaka mbalimbali.

Kwa upande wake Mhe. Spika, alielezea umuhimu wa kuendelea kushirikiana kibiashara kwenye Sekta za Kilimo, Afya, Elimu, viwanda nk.