Benki zapungua nchini...

Waziri wa Fedha na Mipango, Dk Mwigulu Nchemba amesema hadi Desemba 2022 kulikuwa na benki 45 ikilinganishwa na benki 46 katika kipindi kama hicho mwaka 2021.

Amesema Kupungua kwa idadi ya benki kulitokana na Exim Bank Limited kuinunua benki ya First National Bank Tanzania.

Hata hivyo, amesema matawi ya benki yaliongezeka hadi 998 mwaka 2022 ikilinganishwa na matawi 990 mwaka 2021.

“Hadi Desemba 2022, amana za wateja zilifikia Sh32.5 trilioni kutoka Sh28.5 trilioni katika kipindi kama hicho mwaka 2021, sawa na ongezeko la asilimia 14.1,”amesema.

Hayo ameyasema leo Alhamisi Juni 15, 2023 akisoma Taarifa ya Hali ya Uchumi wa Taifa katika mwaka 2022 iliyowasilishwa Bungeni jijini Dodoma.