Watano wa kumrudisha upya Joshua

Vichapo mara mbili alivyopokea kutoka kwa bondia wa Ukraine, Oleksandr Usyk mwaka huu vilimsababisha Anthony Joshua kupishana na pambano dhidi ya Mwingereza mwenzake, Tyson Fury, imeelezwa.

Hii ni kwa mujibu wa promota wake, Eddie Hearn ambaye hatimaye aliamua kueleza sababu za mpango wa pambano kali kabisa la Waingereza (Britain Battle), Fury na Joshua kufeli mwezi uliopita ililenga kumharibia zaidi Joshua.

Kutoka kupigwa na Usyk mara mbili mtawalia ndani ya muda mfupi apigane dhidi ya Fury tena kwa sharti la Desemba 3, ulikuwa ni mtego wa hatari kwa bondia wake ambaye licha ya kwamba alikubali kupigana, lakini lilikuwa ni tatizo kubwa kama angepigwa.

Badala yake, Hearn amewataja mabondia watano ambao mmojawapo anaweza kupigana na Joshua mwakanikuwa ni Dylian Whyte, Deontay Wilder, Filip Hrgovic, Zhang Zhilei na Otto Wallin.

Mambo yakienda sawa pambano dhidi ya bondia mmojawapo litafanyika kati ya Februari na Aprili, 2023.