Twaha Kiduku amchapa Iago Kiziria

Bondia Twaha Kiduku amefanikiwa kupata ushindi huo na kutetea Mikanda ya PST na UBO Inter Continental, Uzito wa kati Super Middleweight (Kilogram 76) lililofanyika kwenye Ukumbi wa Tanzanite Mkoani Morogoro baada ya kumtwanga bondia Iago Kiziria wa Georgia.

Majaji wote watatu wamempa ushindi Kiduku kwa Pointi 98-92, 98-92, 97-93 licha ya mpinzani wake huyo ambaye ni raia wa Georgia kuonesha upinzani mkali.

Baada ya pambano hilo, Kiduku amesema mpinzani wake alikuwa mzuri na hiyo ilimlazimisha abadili staili ya upiganaji wake na ndio maana wamefika hadi Raundi ya 10.