Pereira amchapa Adesanya kwa TKO

Nyota wa Kick Boxing, Israel Adesanya wa Nigeria, amepoteza mkanda wake wa ubingwa wa Dunia uzito wa kati, baada ya kuchapwa na Alex Pereira wa Brazil.

Pereira amempiga Adesanya kwa TKO ya Raundi ya 5 kwenye pambano la Ubingwa wa Dunia la UFC 281 uzito wa kati lililopigwa leo ukumbi wa Madison Square Garden, jijini New York, Marekani.

Kwa ushindi huo Pereira anakuwa bingwa mpya wa Dunia wa UFC uzito wa kati akimpiku Adesanya aliyeushikilia mkanda huo tangu 2019.

Iwapo Adesanya angemchapa Pereira ambaye alikuwa hasimu wake mkubwa kwenye 'kick boxing', angeutetea mkanda wake kwa mara ya 6 mfululizo.