Mike Tyson, Kesho yetu ipo kwa Mungu

Baada ya kufikisha miaka saba tu, Mike Tyson alikuwa ameshapoteza 'future' yake, angewezaje kuijenga future yake wakati alikuwa analelewa na kahaba.

Mama yake Mike Tyson alikuwa kahaba wa kutupwa, hali iliyopelekea neno baba kupoteza thamani kwenye kinywa chake.

Mitaa ya Brookly's haikuwahi kuzalisha watu wema, ilikuwa mitaa iliyojaa watu wababe. Ubabe wa mitaa ilimfanya Mike kuiona elimu ni kama ndoto za kufikilika, wapi angeipata elimu? kwenye mitaa iliyokuwa inafuka moshi wa cocaine.

Mike alipenda sana kufuga njiwa, Siku moja alijitokeza mzungu mnyanyasaji na kuanza kutoa vichwa vya njiwa wake. Hasira zilimpanda Mike. Hapo ndipo alianza kugundua nguvu zilizopo ndani yake, mwisho Mzungu aliishia hospitali na Mike kwenda Jela. Tangu hapo Jela zilianza kuwa rafiki kwa Mike.

Jela zote zilimfahamu kwa ubabe wake, Alikuwa mtawala wa kila jela aliyoenda. Hakuna mtu aliyetabiri kubadilika kwa tabia za Mike. Jela ndipo watu walianza kuiabudu mikono yake. Ngumi lake moja ilikuwa ni kama umeshushiwa viroba saba vya cement.

Miaka ya 1970’s, alikutana na Cus D’mat mtu pekee aliyeona nguvu za Mike Tyson na kufanya kuwa biashara inayovutia machoni mwa watu.

Wakati Mike Tyson akianza kuzitumikia nguvu zake kwenye boxing, Mohamed Ally alikuwa kwenye nyakati za mwisho za ubora wake.

Mwaka 1980 Mohamed Alli alipanda ulingoni akiwa mgonjwa, roho ya ubishi ya Mohamed Alli ilimponza. Alipanda ulingoni na bingwa Larry Holmes, Mohamed Alli alipoteza vibaya kwa KO. Mike Tyson alikuwa jukwaani na kocha wake Cus D'mat.

Mike Tyson siku ile hakulala. Alikuwa na maumivu ya kushuhudia 'roll modo' wake akipoteza pambano tena kwa KO mbele ya macho yake. Mike akiwa bado mtoto takribani miaka 19. Alimfuata Cus na kumuahidi kulipiza kisasi. Cus D'mat alicheka alijua ni utoto unamsumbua Mike. Angesubuthu vipi kumpiga bingwa wa Dunia Larry Holmes?

Unajua Mike Tyson Alilipa kisasi vipi?