Bondia Mfaume Mfaume
Mzizi wa fitna kati ya mabondia Mfaume Mfaume na Idd Pialali unakatwa rasmi Septemba 1 mwaka huu baada ya awali kushindikana.
Mfaume na Idd Pialali awali kwenye pambana la kwanza lililofanyika Desemba 2022 hakukuwa na bingwa kutokana na kukatisha kisa Pialali kuchanika na kutoka damu.
Leo Jumatano wawili hao kwenye uwanja wa Leaders Club wameshini mkataba wa kucheza pambano hilo la kugombea mkanda wa WBF International.
Kwa nyakati tofauti mabondia hao wakitamba kushinda, wamesema watapata ushindi wa mapema.
Pialali amesema wana muda wa kutosha kujiandaa na pambano hilo hivyo lazima bingwa apatikane kihalali.
“Huyu nammaliza mapema tu, safari hii tuna muda wa kutosha kwahiyo tumejiandaa na tutaendelea kujiandaa,” amesema Pialali.
Upande wa Mfaume amesema mkataba aliosaini pambano halikatishwi kirahisi hata kama mtu apasuke.
“Jamani huu mkataba niliosaini hata kama mtu anapasuka tunaendelea hadi bingwa apatikane, huyu hafiki raundi ya tatu,” amesema Mfaume.
Pambano la kwanza liliofanyika Disemba mwaka jana (2022) lilivunjwa kwa kile kilichodaiwa Mfaume kumpiga kichwa Pialali.