Mapinduzi FC yaifuata Azam kibabe

Wakati mchezo wa kombe la Azam Confederation Cup hatua ya 16 baina ya Azam fc dhidi ya Mapinduzi fc ya Mwanza ukitarajia kuchezwa March 5 mwaka huu kwenye uwanja wa Azam Complex Chamazi jijini Dar es salaam tayari safara wa wachezaji 25 na viongozi 6 wa timu ya Mapinduzi wameanza safari ya kutoka Mwanza kuelekea jijini humo kwaajili ya mchezo huo.

Kocha wa timu hiyo Mussa Magogo amesema ” ni kweli tumeanza safari yetu kutoka Mwanza kwenda Dar kwaajili ya mchezo wetu na Azam, tunaamini utakua mchezo mgumu lakini tumejipanga kuhakikisha tunaonyesha ushindani wa mkubwa na hatutakubali kufungwa kizembe katika mchezo huo ”

“kwa maandalizi ambayo tumefanya ninaamini tutaonyesha ushindani kwa wenzetu wa Azam kikubwa ninawaomba mashabiki na wapenzi wa soka kutoka Mwanza watusapoti na kutuombea kwa dua zao ili huo mchezo tuweze kufanya vizuri kwakua Azam ni timu kubwa kuliko sisi lakini hilo halitatuzuia kufikia mafanikio ambayo tunayataka kwenye haya mashindano maana tumepanga kufika hatua ya robo fainali ya haya mashindano”

Kwa upande wake Nahodha wa timu hiyo Antony Matogolo ambaye amewahi kucheza timu za Tanzania prison Geita fc na zingine amesema wachezaji wameambizana kujituma ” tunawaomba watu wa Mwanza watusapoti kwakua sisi tumepanga kujituma na kufanyia kazi maelekezo ya makocha wetu ili tuweze kushinda pamoja na kuonyesha ushindani mkubwa kwenye huo mchezo.