Mandonga ‘atinga’ Kenya kuzipiga na Wanyonyi

Bondia wa Tanzania mwenye maneno na mbwembwe nyingi wa Tanzania, Karim 'Mtu Kazi' Mandonga amewasili nchini Kenya kwa ajili ya pambano lake la marudiano lililotarajiwa dhidi ya Daniel Wanyonyi wa Kenya katika ukumbi wa Sarit Expo Centre jijini Nairobi Julai 22.

Mandonga aliahidi kumrusia makonde makali Wanyonyi kwa mtindo wake mpya ngumi yake anayoiita ‘Kinguki’.

“Kama Wanyonyi alikuwa tayari kutinga ngumi ya ‘Sugunyo’, ninampa pole kwa sababu nimekuja na ngumi mpya inayoitwa ‘Kinguki’ kutoka Urusi na lazima nimshinde.

Wanyonyi alishindwa na Mandonga kwa TKO katika raundi ya tano katika Kituo cha Kimataifa cha Michezo cha Kenyatta (KICC) jijini Nairobi mnamo Januari.

Katika pambano lake la mwisho, Wanyonyi alimpiga Charles Kakande wa Uganda kwa TKO mnamo Machi 25 kwenye Uwanja wa Ndani wa Kasarani sawa na Mandonga ambaye pia alimshinda Lucky Yamuzi, pia wa Uganda, siku hiyo hiyo.