Bondia Karim Mandonga
Kocha wa mabondia wa Kinyogoli Foundation, Ibrahim Class na Dullah Mbabe, Ubwa Salum amefunguka kuwa amejipanga vizuri na mabondia wake kwa kuhakikisha wanakichafua vya kutosha katika pambano likatalopigwa Zanzibar nchini ya Kampuni ya mpya ya promosheni ya ngumi za kulipwa, Tosh Sport.
Mabondia hao wanatarajia kupanda ulingoni Agosti 27, mwaka huu kwenye Uwanja wa Mao Tse Tung, Zanzibar katika pambano ambalo litakuwa la kwanza la uzinduzi wa kufungliwa kwa mchezo huo baada ya kufungiwa kwa miaka mingi iliyopita.
Mabondia wa Kinyogoli watakaopanda ulingoni kwenye pambano hilo ambao ni Ibrahim Class atakayecheza dhidi ya Hamisi Muathai wakati Dullah Mbabe akitarajia kucheza na Banja huku Karim Mandonga ‘Mtu Kazi’ akitarajia kucheza na Muller JR.
Ubwa amesema kuwa wamejipanga vizuri kuhakikisha mabondia wake wanapata ushindi mkubwa mbele ya mashabiki wa mchezo huo kisiwani humo, ambapo kwa sasa wanasubiria kufika kwa wakati wa pambano hilo.
“Ahadi yetu kwanza lazima wapigwe wapinzani kutokana na maandalizi ya mabondia wetu tumewapa mazoezi mazuri tu, ila isije tukasababisha kufungiwa tena kwa ngumi Zanzibar, lakini tunawaomba mashabiki wa Dullah Mbabe na Ibrahim Class waje kwa wingi na waliopo hapa Dar waanze kuweka nauli za boti ili waje kutoa sapoti kwa vipenzi vyao,” amesema Ubwa.