Mabondia wa Tanzania wadhulumiwa Namibia

Mabondia watanzania, Idd Pialari na Joseph Maigwisya, hawajapewa malipo ya mapambano waliocheza nchini Namibia mwisho mwa wiki iliyopita, baada ya Promota wa Pambano Nestor Tobias kutoka kampuni ya Sunshine Production, kuingia mitini.

Pialari aliahidiwa kulipwa Dola za Marekani 7,000 (Tsh. Milioni 17.5) kucheza pambano la raundi 12 ubingwa wa WBO Afrika uzani wa Super Welterweight, ambapo alipoteza kwa pointi.

Maigwisya aliahidiwa kulipwa Dola za Marekani 4,000 (Tsh. Milioni 10.02) kucheza pambano la raundi 10 ubingwa wa WBO Afrika uzani wa Super Middleweight, ambapo alipoteza (katika namna ya kushangaza) kwa TKO raundi ya tano.

Mabondia hao tayari wamerejea nchini huku ikielezwa kuwa kocha wa bondia Idd Pialari anayejulikana Kwa jina la Kocha Eddo amesalia nchini humo kujua mustakabali wa malipo yao.