Kutazama Pambano la Tyson vs Jake Paul ni Tsh Bilioni 5

Mabondia wa ngumi za kulipwa kutoka Marekani Mike Tyson na Jake Paul wanaotarajia kuzichapa Julai mwaka huu siku ya jana wametoa bei ya tiketi za VIP ambapo ‘tiketi’ moja inagharimu kiasi cha dola 2 milioni ikiwa ni zaidi ya Sh 5 bilioni.

Ukinunua ‘tiketi’ hiyo utafanikiwa kupata huduma za kipekee ambazo ni kupiga picha na mabondia hao kabla ya pambano kuanza, kupewa glavu zilizosainiwa na mabondia, chumba cha faragha chenye huduma ya hali ya juu, pia utapata fursa ya kupanda jukwaani wakati wa upimaji uzito wa mabondia.

Pambano la Tyson (58) na Jake (27) linatarajiwa kufanyika Julai 20 katika uwanja wa AT&T uliopo jijini Texas nchini Marekani pia litaoneshwa live kupitia mtandao wa Netflix.