Francis Ngannou kufuta ufalme wa Fury leo?
Leo Jumamosi Oktoba 28, 2023, Wakazi wa Mji wa Riyadh, Saudi Arabia, watashuhudia pambano la kihistoria kati ya Francis Ngannou, aliyejulikana kama "The Predator," na Tyson Fury, bingwa wa ndondi wa uzito wa juu kutoka Uingereza.
BBC imeripoti kuwa pambano hilo linaelezewa na mashabiki wa michezo kama moja ya mapambano makubwa ya ndondi ya karne hii, na ni mtihani mkubwa kwa Ngannou.
Francis Ngannou ambaye historia ya maisha yake inaelezea mengi magumu aliyopitia maishani, shauku yake ya kuwa bingwa wa ndondi ilimfanya aondoke nchini mwake Cameroon hadi barani Ulaya ambako alipata mafunzo katika ndondi na hatimaye akaingia katika ulimwengu wa MMA, ambapo alipata umaarufu na mafanikio.
Fury, kwa upande mwingine, ni bingwa wa ndondi wa uzito wa juu wa dunia na amekuwa akitawala ulingo wa ndondi kwa muda mrefu.
Yeye ni bondia wa kisasa na mwenye ujuzi mkubwa wa kutumia ngumi. Hajaonekana akishindwa kwa muda mrefu na ana rekodi nzuri ya ushindi.