Dullah Mbabe, Katompa kufunga mwaka kibabe Arusha

DULLAH MBABE KUFUNGA MWAKA NA KATOMPA, ARUSHA

Bondia tishio katika uzito wa Super Middleweight nchini Tanzania, Dullah Mbabe anatarajiwa kupanda ulingoni Novemba 25 mwaka huu, kwenye ukumbi wa AICC jijini Arusha, dhidi ya Mkongoman, Tshimanga Erick Katompa.

Hili ni pambano la marudiano baada ya lile la awali lililopigwa Oktoba 9 mwaka 2021 kwenye ukumbi wa PTA Sabasaba jijini Dar es salaam, Dullah Mbabe kupoteza kwa pointi za majaji wote.

Pambano hilo linaloandaliwa na Kampuni ya Lady in Red Promotion chini ya Promota wake Mhe. Sofia Mwakagenda ambaye ni Mbunge wa viti maalum mkoani Mbeya, limebeba dhima ya utalii wa ndani likiitwa 'BOXING WITH TOURISM'.

Mbali na pambano kuu la Dullah Mbabe na Tshimanga Katompa, mabondia wengine wakali kama Loren Japhet, Shaban Ndaro, Saleh Mkalekwa, Jacob Maganga na Sarah Alex wataupamba ulingo huo siku hiyo.