Bondia wa Malawi azimwa fedha za pambano Bongo

Bondia Hannock Phiri wa Malawi, amesema Hadi sasa hajapata malipo ya pambano lake la Januari 28, alipocheza dhidi ya Adam Lazaro kwenye uwanja wa Mkwakwani jijini Tanga.

Phiri ambaye alishinda TKO raundi ya 4, amesema alikubaliana na Promota wa pambano hilo Ally Mwazoa angemtumia pesa yake lakini hadi sasa hajafanya hivyo.

Bondia huyo anasema, Kila mara anapomkumbusha kuhusu pesa yake, anamjibu atamtumia atulie.

Alipotafutwa Promota wa pambano hilo, simu yake iliita mara kadhaa bila kupokelewa.