Stephen Curry alifunga alama 34
Golden state warriors wameanza vibaya michezo ya fainali kuu ya ligi ya mpira wa kikapu nchini marekani NBA baada ya alfajiri ya leo kupoteza mchezo wa kwanza kati ya michezo 7 ya mfuliluzo wa fainali kwa alama 120 kwa 108 dhidi ya Boston Celtics.
Warriors walianza kwa kutawala mchezo, na kutangulia mbele ya Celtics hadi kufikia mapumziko walikua wakiongoza kwa tofauti ya alama12. lakini hali ilibadilika katika robo ya nne kwani Boston Celtics waliuchukua Mchezo na kufanikiwa kupata ushindi huo mzuri wakiwa ugenini.
Nyota wa Golden State Stephen Curry alifunga alama 34, akichukua rebound 5 na kutoa pasi 5 za kufunga na hivyo kumfanya aibuke kuwa nyota wa mchezo huo, lakini hazikutosha kuisaidia golden state kushinda mbele ya Celtics waliomiliki mchezo kwa sehemu kubwa wakati wote.
Mchezaji aliyepata alama nyingi kw aupande wa Celtics ni Alfred Horford aliyefunga alama 26, akitoa pasi 3 za kufunga na kuchukua rebound 6. Mchezo wa pili wa mfululizo wa fainali hizo utapigwa alfajiri ya kuamkia jumatatu juni 6.