Ligi ya Taifa mpira wa Kikapu yafikia hatua ya Fainali
Pazi na ABC zimetinga fainali ya Ligi ya Taifa ya mpira wa kikapu itakayochezwa jijini Arusha.
Timu hizo zenye upinzabi kwenye Ligi ya mkoa wa Dar es Salaam (RBA) zitachuana kusaka bingwa katika mchezo wa saa 12 jioni utakaotanguliwa na ule wa DB Panthers dhidi ya Vijana kusaka mshindi wa tatu.
DB Panthers na Vijana zimekosa tiketi ya kucheza fainali baada ya zote kuchapwa kwenye hatua ya nusu fainali.
Vijana imefungwa pointi 58-55 na ABC katika mchezo ambao ulisubiri hadi dakika moja ya mwisho kuamua mshindi atakayetinga fainali.
Pazi moja ya timu kongwe za mpira wa kikapu nchini licha ya kutokuwa na mwenendo mzuri kwenye Ligi ya RBA kwa misimu miwili, imepindua meza kwenye NBL msimu huu.
Timu hiyo imetunga fainali kwa tofauti ya pointi 19, baada ya kuichapa DB Panthers pointi 59-40 katika nusu fainali jana.