Nyota wa Brooklyn Nets Kevin Durant
Mechi za mtoano (Play-offs) kwenye ligi ya kikapu Nchini Marekani (NBA) zimeendelea kutimua vumbi baada ya michezo mitatu kuchezwa asubuhi ya leo na kutoa taswira kwa baadhi ya timu kutinga nusu fainali.
Philadephia 76ers walikuwa mwiba mchungu mbele ya Toronto Raptors baada kuifunga kwa vikapu 104-101 katika dimba la Scotiabanks Arena, huku Joel Embiid akifunga alama 33, ribaundi 13, na kuwaweka Sixers kwenye hatua nzuri ya kutinga nusu fainali kwenye ukanda wa Mashariki.
Chicago Bulls wamerejesha makali baada ya kuwafunga mabingwa watetezi Milwaukee Bucks , na kufanya uwiano kuwa 1-1 kati ya michezo saba baina yao kwenye hatua robo fainali, DeMar DeRozen alifunga vikapu 41 na ribaundi 7.
Licha ya kufunga vikapu 27, hali imezidi kuwa mbaya kwa Kevin Durant na Blookyn Nets kutokana na kupoteza mchezo wa pili mfululizo mbele ya timu yenye rekodi bora ya ulinzi kwenye NBA msimu huu, Boston Celtics walioshinda kwa vikapu 114-107.