Cover Albam ya Khaligraph Jones
2021 umekuwa ni mwaka wa wasanii wengi Duniani kuziweka sokoni album zao ikiwa ni moja ya kiungo kikubwa kwenye sanaa ya muziki hasa linapokuja swala la wasifu wa msanii.
Kutoka 254 Msanii mahiri wa muziki wa Hip hop Brian Ouko Robert maarufu Khaligraph Jones (31) ameiachia rasmi orodha ya nyimbo pamoja na Cover maalum ya album yake mpya ‘Invisible Currency’ anayotarajia kuiingiza sokoni hivi karibuni ikiwa imesheheni nyimbo zisizopungua kumi na saba, akiwa amewashirikisha wasanii mbali mbali kutoka mataifa tofauti akiwamo msanii Ali Kiba kutoka nchini Tanzania, Rude Boy kutoka Nigeria na wengine wengi.
‘Invisible Currency’ itakuwa album ya nne kwa Khaligraph Jones, ambapo ya kwanza ilikuwa ‘Autograph’ aliyoiachia mwaka 2014, ‘Eff Off’ ya mwaka 2015, pamoja na ‘Testimony’ aliyoiweka sokoni mwaka 2018, ikiwa ni pamoja na Mixtape yake iitwayo ‘The Take Over’ iliyotoka mwaka 2020.