Dimond Platnumz
Msanii wa Bongo Fleva nchini Naseeb Abdul 'Diamond Platnumz', ametangaza kuonesha wasanii wa Afrika Mashariki mwaka huu watafanya vizuri zaidi kuliko miaka iliyopita.
Kutokana na hali hiyo amesema tayari amefanya video ya nyimbo zote 10 kwenye albamu yake fupi (EP) ya First Of All (FOA).
“Natamani niwambie kitu kimoja, EP ina video zote 10, video zake ni kali sana, video zake zimekaa, hatucheki na mtu, yote ni kuonesha kwamba wana Afrika Mashariki tupo vizuri,” amesema Diamond.
Ukiachilia rekodi mbalimbali alizowahi kuweka Diamond, hii ni ya kipekee, ambapo ameingiza kwenye trending nyimbo zake zote 10 zilizopo kwenye EP hiyo.
Diamond aliachia rasmi EP hiyo Machi 11, 2022 ikiwa na nyimbo 10 na mpaka sasa imefikisha streams zaidi ya milioni 30 kwenye mitandao tofauti ya kusikilizia muziki.