Zana za mawe za zaidi ya miaka milioni mbili iliyopita zafukuliwa nchini Kenya

Wanaikiolojia nchini Kenya wamechimba baadhi ya zana kongwe zaidi za mawe zilizowahi kutumiwa na wanadamu wa kale, za nyuma karibu miaka milioni 2.9.

Wanasema ugunduzi huo ni ushahidi kwamba zana zilitumiwa na matawi mengine ya wanadamu wa mapema, sio tu mababu wa Homo Sapiens kama wanasayansi walivyofikiria hapo awali.

Watafiti wanasema meno mawili makubwa ya kisukuku yaliyopatikana kwenye eneo nchini Kenya ni ya binamu wa binadamu aliyetoweka, anayejulikana kama Paranthropus.

Timu ilipata ushahidi wa kupendekeza zana hizo zilitumika kuwachinja viboko na kusaga vifaa vya mimea kama vile mizizi na matunda.