Wezi waiba mkate wakidhani ni pesa

Majambazi wawili waliokuwa na silaha ambao hapo awali walitoroka kwa haraka na mkate wakidhani ni pesa taslimu walirudi kwa hasira kumuua mama mjamzito katika duka moja nchini Ghana.

Kulingana na Graphic Online, majambazi hao walimvizia mfanyabiashara Raymond Suglo, 42, na mwenzi wake mwendo wa 9:30 p.m. siku ya Jumatatu, huko Jang katika Wilaya ya Nadowli-Kaloe katika Mkoa wa Juu Magharibi.

Chombo hicho cha habari kinachomilikiwa na serikali kiliripoti kwamba Suglo alikuwa akirejea kutoka dukani kwake wakati majambazi waliokuwa wakiendesha pikipiki na kufyatua bunduki na panga walijitokeza.

Yeye na mke wake mjamzito walifanikiwa kuingia chumbani mwao, lakini kabla hawajafunga mlango, wezi hao wakawaingiza katika mapambano ya kutaka mlango ufunguliwe huku watoto wao wakiwa chumbani.

Katika harakati hizo majambazi hao walifyatua risasi mlangoni na kumjeruhi bwana Suglo na kuwalazimisha kuachia mlango.

Majambazi hao walipoingia kwenye chumba cha wanandoa hao, waliwataka wawili hao wawape vitu vyao vya gharama, ambavyo ni pamoja na mauzo ya Suglo kutoka dukani.

Wakiwa katika eneo hilo, majambazi hao waliona kifurushi chenye puffy kikiwa kimefungwa kwenye begi ndani ya sehemu ya usalama wa pikipiki ya Suglo, wakakichukua na kuondoka wakidhani wamefanikisha operesheni hiyo.

Hata hivyo, walitambua walipofika kule wanakoenda kwamba kitu pekee kwenye mkoba waliorudi nao kutoka kwenye kazi yao ya kuwinda ni mkate ambao Bw Suglo alileta nyumbani, ikionekana kuwa kwa ajili ya kifungua kinywa asubuhi iliyofuata.

Majambazi waliodhamiria walirudi nyumbani kwa Suglo lakini hawakumkuta. Walimpiga risasi na kumuua mkewe mjamzito, Bi Dorothy Suglo, kwa kukata tamaa na hasira, kisha wakakimbia.

Akisimulia masaibu yake kwenye gazeti la Daily Graphic akiwa kitandani katika Hospitali ya Mkoa ya Upper West, Suglo alifichua kuwa mapambano dhidi ya majambazi hayo yalidumu kwa dakika arobaini na tano (45) na kwamba alimkata usoni mmoja wa washambuliaji hao.

Alipata majeraha ya risasi katika mguu wake wa kulia na bega la kushoto, na jeraha la panga kichwani.

Licha ya kupigwa risasi saba, aliruka pikipiki yake na kujaribu kupanda hadi hospitali ya karibu zaidi mjini, lakini alizimia akiwa njiani.