Waziri Mkuu wa Uingereza afanya mazungumzo na Kagame

Waziri mkuu wa Uingereza Rishi Sunak amefanya mazungumzo kwa njia ya simu na rais wa Rwanda Paul Kagame Jumatatu jioni kuhusu mpango wa kupeleka wahamiaji nchini Rwanda.

Viongozi hao wawili"waliazimia kuendelea kushirikiana kwa pamoja kuhakikisha ushirikiano huu muhimu unafanikiwa kutekelezwa ", taarifa kutokaofisi ya Waziri mkuu- Downing Street ilisema.

Mpango wa Uingereza wa kuwapeleka baadhi ya wanaoomba uhamiji nchini Rwanda umekuwa ukikapiliwa na upinzani, ingawa Mahakama ya juu zaidi ya Uingereza iliamua mwezi Disemba 2022 kwamba ni halali kisheria.

Wapinzani wamedai kuwa Rwanda sio mahala salama pa kuwapeleka waombaji wa uhamiaji na kwamba mpango huo unakiuka sheria ya haki za binadamu.

Serikali ya Uingereza itatangaza Jumanne mipangokwa ajili ya sheria mpya inayozuia wale wanaoingia nchini kupitia barabara zisizo rasmi kudai uhamiaji, limeripoti shirika la habari la Reuters.