Waziri Matiang'i amependekeza Ruto apewe walinzi 30 tu
Magazeti ya Ijumaa Septemba 3 yameendelea kuangazia nipe nikupe kati ya Naibu Rais William Ruto na Waziri wa Usalama wa Ndani Fred Matiang'i.
Nation
Waziri wa Usalama wa Ndani Fred Matiang'i anataka usalama wa watu mashuhuri nchini kupunguzwa.
Akiongea mbele ya kamati ya bunge Septemba 1 alipokuwa ameitwa kuelezea kuhusu kuondolewa kwa maafisa wa GSU kutoka Karen kwa naibu rais, Matiang'i alisema baadhi ya VIPs wana idadi kubwa ya walinzi.
Alipendekeza mswada utakaojadiliwa ili kuwe na sheria ya kudhibiti walinzi ambao mtu mashuhuri anafaa kupewa.
Wale ambao anataka usalama wao kupunguzwa ni naibu rais ambaye atakuwa na maafisa 30 wa usalama.
Standard
Gazeti la Standard limeangazia taarifa kuhusu kikao cha kinara wa ODM Raila Odinga na viongozi kutoka Mashariki mwa Kenya.
Kikao hicho kilihudhuriwa na Gavana Kiraitu Murungi, kiranja wa bunge Maoka Maore na aliyekuwa waziri Kilemi Mwiria.
Kundi hilo lilimhakikishia Raila kuwa litamuunga mkono kwenye azma yake ya kuwa rais 2022 iwapo ataangazia maslahi ya wakazi wa eneo hilo.
Read also
Marafiki wa DP Ruto Watishia Kuanika Mashamba Yanayomilikiwa na Uhuru
People Daily
Taarifa kuu hapa ni kuhusu majibu ya DP Ruto kwa Waziri Matiang'i baada ya kuanika mali yake alipofika mbele ya kamati ya bunge.
Ruto alisema asilimia 70 ya mali ambayo Matiang'i alianika ni yake lakini akakanusha kumiliki shamba la ADC la Mutara.
Alitaja hatua ya Matiang'i kama Life style audit na akamtaka kuendeleza kwa viongozi wengine serikalini ili wajulikane pia wanamiliki nini.
Taifa Leo
Hatimaye mjukuu wa aliyekuwa rais Daniel Moi, Collins Kibet, amekubali kugharamia ulezi wa watoto wawili.
Kibet alishtakiwa na aliyekuwa mkewe Gladys Tagi kwa kutelekeza majukumu ya kuwalea watoto hao.
Utafiti wa DNA ulifanywa na kubaini kuwa wawili hao na wanawe na sasa ameiomba mahakama kumpa muda ili kusema atakayoweza kulipa kila mwezi.
Tagi alikuwa ameambia mahakama kuwa watoto hao wanahitaji KSh 1M kila mwezi kugharamia ulezi wao.